رواية فاتنة الزين الفصل الثالث 3 بقلم صباح غمري
"فاتنه الزين"
الفصل التالت
لقيت فجأه التلفزن بيرن .
فاتن : الو .
زين : ها فكرتي ولا لسه .
فاتن باستغراب : انت جبت نمرتي منين ؟ .
زين : ما هو انا مشيت وراكي و سالت لحد ما جبته ، بصراحه كنت خايف متتصليش .
فاتن بعدم فهم : بص انا مش مركزة بس مش مهم ، انا موافقه .
زين : تمام .
فاتن : ايه الهيتم ؟ .
زين بضحكه : سيبي الموضوع دا عليا .
**************
الحاج عاطف "عم فاتن" : شوفتي يا فوزيه انا قولت هو لما عجز البت لفيت علي حل شعرها .
فوزيه : عيب يا حج البتقولو دا البت محترمه و كويسه ، هتلاقي صحابها الضحكوا عليها .
عاطف : وايه الدخل اصحابها يا نيله هانم دي هي البوظت نفسها .
فوزيه : ياحج تلفونك بيرن مش سامعه .
عاطف : طب هاتيه نشوف مين .
عاطف : الو مين معايا .
زين : السلام عليكم حضرتك عم فاتن .
عاطف باستغراب : ايوا ، مين حضرتك .
زين : انا زين صاحب شركات استيراد و تصدير .
عاطف بفرحه "عاشق للمال" : اة اة اهلا بحضرتك ، تؤمرني بأيه .
زين : عاوز فاتن .
عاطف : ها حضرتك بتقول ايه مش فاهم .
زين : بت اخوك عاوزها .
عاطق و كاد يشعر بأختناق : هي هتتجوز بكرة عاوزها ازاي يعني ياباشا .
زين : اة هتتجوزني انا ، شوف عاوز كام و نتفق ، هستني الرقم العاوزو تبعتهولي ف مسدج و بكرة هتلاقي عندك و معايا المأذون و انت حل الموضوع دا ، سلام .
و قفل زين ف وشه السكه .
عاطف بذهول : زين صاحب شركات و عاوز فاتن و بكرة , انا مش فاهم حاجه
فوزيه : يوووة يااعاطف انت بتكلم حالك ، ما تفهمني بتقول ايه و مين دا .
عاطف : اسكتي انتي دلوقتي .
***************
فاتن قامت من غرفتها و راحت لغرفه باباها .
فاتن بعياط قربت منه و حطيت دماغها علي رجليه : بابا انت مصدقني صح .
جمال بدموع : مصدقك ياحببتي عارف و واثق ، انا مشوفتكيش بس انا عارف انك مش ممكن تعملي كدا مش مصدقهم ، لو كنت اقدر اقوم كنت كسرته بأيدي و عرفت الحقيقه .
فاتن بعياط : انا تعبانه اوي اوي يابابا ، تعبت ف حياتي اوي نفسي افرح ، كل ما احاول افرح حياتي تبوظ اكتر ، كل الوثقت فيهم خدعوني ، حتي اهلنا يابابا ، و اخذت نفسها و قالت "حتي روان اختي" و قالتها بكل كسرة .
جمال و طبطب بأيدو عليها : ربك مش بيسيب يالعالم ربنا شايلك ايه بكرة.
فاتن : اهو انا خايفه من بكرة دا ، تسمحلي انام ف حضنك انهاردة يابابا ؟ .
جمال : نامي يا حببتي .
************
ف صباح يوم جديد بأحداث جديدة.
روان : اصحي يافاتن عمك برا و عاوزك .
فاتن : هاتيلي الطرحه و امشي انتي لما اشوفو عاوز ايه .
و اخدت الطرحه من اختها و طلعت برا .
عاطف : صباح الفل الله دا احنا مبسوطين خالص ما هو الصباحيه بقي ياعروسه ولا ايه و ضحك .
فاتن : اوعي تفكر انك عشان عمي هتطاول معايا ، قول جاي ليه .
عمها قرب منها و مسكها من ايديها بعنف : لو عليتي حسك تاني عليا وقتها هكسرلك عضمك ، كفايه اننا سايبينك عايشه لحد دلوقتي ، اسمعيني كويس .
فاتن بقهرة : عاوز ايه .
عاطف : انتي بليل هيتكتب كتب كتابك و هتروحي علي بيت جوزك ، ومش هيكون محمد .
فاتن باستغراب : اومال مين .
عاطف بضحكه : واحد كدة معرفش ازاي عرف بالحصل بس اظاهر حب يكسب فيكي ثواب و يسترك .
فاتن : زين ؟ .
عاطف : وانتي تعرفي منين كمان ماشيه مع واحد غير الكنتي نايمه معاه و لسه مكملش لقي قلم نزل علي وشه .
نوال : اوعي تغلط في بنتي تاني ياعاطف ، ازا كنت ناسي افكرك ان بنتك هربانه لحد دلوقتي محدش يعرف عنها حاجه و ياتري هي مع مين ولا بتعمل ايه ، اوعي تفكر ترمي نقصك علينا ، روح ربي بنتك و بعدين تعالي اتكلم .
عاطف بغل و حقد لسه هيكلم .
نوال : من غير كلام كتير ، بليل تيجي تجيب الراجل و المأذون و فاتن هتروح بيت جوزها و يلا مع السلامه عاوزة اقعد مع بنتي شوية قبل ما تتجوز .
عاطف بغل اخد بعضه و مشي .
فاتن : ماما سامحيني ، والله مظلومه لو تسمعيني بس .
نوال : دفعت عنك لانك بنتي لكن عمري ما هسامحك ، انتي خونتي ثقتي يا فاتن و مشيت و سبتها .
فاتن وقعت علي الارض و بعياط : والله مظلومه لو حد يسمعني بس ، مش عاوزة اكتر من كدا .
****************
"في المساء ، تم كتب الكتاب" .
فاتن وهي بتودع والدها : هتوحشني اوي يابابا ، انا معرفش انا داخله علي ايه ولا ايه الهيحصلي ، بس هرجعلكم تاني ، هاجي يا بابا انا مقدرش اعيش من غيرك .
جمال بعياط : كان نفسي افرح بيكي بجد بس ربنا عاوز كدا ، خلبالك علي نفسك .
فاتن باست ايديه و راحت لمامتها : سامحيني ، سامحيني يا امي هتوحشيني ، نفسي احضنك ارجوكي سبيني احضنك .
نوال بدموع واقفه ساكته .
فاتن قربت منها و حضنتها وهي واقفه زي ما هي تبكي من غير اي رد فعل .
زين : يلا يا فاتن العربيه تحت .
ومشيت فاتن مع زين .
نوال وهي بتبص علي بنتها : انا اسفه يابنتي ، اسفه اني مسمعتكيش بس مش قادرة اسامح نفسي ....
*************
زين : انزلي .
فاتن : ممكن تساعدني الكوتشي علق ف الكنبه .
زين دخل العربيه و قرب منها و شد رجليها .
فاتن : متقربش كدا وخلبالك عشان فيه قوانين لما نطلع .
زين بضحكه : قوانين ؟ .
دخلت فاتن الفيلا : الله جميله اوي .
غادة وهي نازله علي السلم : ابني ؟؟؟ ، جبت ابني يازين .
و فجأه لقيت واحدة جمب زين .
غادة : هي مين دي ؟
زين ببرود : مراتي .
غادة بدموع : مراتك !!! ، اتجوزت وابني و لسه هتكمل .
فاتن : .........
#الكاتبه_صباح_غمري
